اسلام آباد ۔ 18ستمبر (اے پی پی) وزیر خارجہ شاہ محمود قریشی آکھیے جو حکومت الیکشن 2018دی تحقیقات سانگے اپوزیشن دا مطالبہ تسلیم کریندے ہوئیں خصوصی کمیٹی بنڑاونڑ دا فیصلہ کیتے ،اساں جمہوریت دے استحکام تے جمہوری اداریں کوں مضبوط بنڑاونڑ چاہندوں ،کمیٹی با اختیار ہوسی ،ڈوہیں پاسوں الیکشن 2018دی تحقیقات سانگے جیں جذبے دا اظہار کیتا گے ایں جذبے دے تحت اساکوں اگی تے ودھنڑاں ہوسی ۔ منگل کوں قومی اسمبلی اچ گال کریندے ہوئیں وزیر خارجہ شاہ محمود قریشی آکھیا جو اپوزیشن الیکشن دے بعد مطالبہ کیتے تے الیکشن 2018تے تحفظات دا اظہار کیتے ۔ایندے تے گال تھی اے جو وزیراعظم دی موجودگی اچ فیصلہ کیتے جو کیوں جی پی ٹی آئی شفافیت تے یقین رکھیندی اے ۔اساں قوم دے سامنڑے اے گال رکھنڑ چاہندوں ۔اپوزیشن دے مطالبے کوں تسلیم کریندوں ۔وزیراعظم پہلے ڈینھ ہی اے اعلان کرنڑ چاہندے ہن مگر ماحول اجازت نہ ڈتی ،اساں شفافیت نال اگی تے ودھنڑاں ہے ۔اگر جمہوریت تے جمہوری اداریں کوں مضبوط بنڑاونڑ اں ہے تاں ایں اصول دے تحت اگی تے وھدنڑاں ہوسی ۔
