اسلام آباد ۔ 14ستمبر (اے پی پی) وزیر اعظم عمران خان ایوان وزیراعظم اچ راولپنڈی ایکسپریس اتے میانوالی ریل کار دا افتتاح کر ڈتے۔انہان ٓکھیے جو ساڈی حکومت لوکاں کوں سوکھ ڈیونڑ آلی حکومت ہوسی،ملک اچ بچت دا رواج پیسوں،وزیراعظم ہاﺅس اچ اعلیٰ معیار دی یونیورسٹی بنڑسی،ریلوے دے شعبہ اچ چین دے تجربات توں فیدہ چیسوں۔افتتاحی تقریب نال وزیر ریلوے شیخ رشید وی خطاب کیتے۔ایں موقع تے وزیراعظم آندے ہی قبضہ مافیا دے خلاف تہلکہ مچاونڑ تے وزیر ریلوے شیخ رشید کوں مبارک ڈتی جو ریلوے اچ چنگیاں سرگرمیان شروع تھی گین اتے اے وی چنگی گالھ اے جو ریلوے اچ کم کرنڑ آلے لوکاں دی سوچ وی عام لوکاں دی چنگائی کیتے ہے۔انہان آکھیے جو پاکستان اچ ساری ترقی اشرافہ کیتے تھئی اے، امیر بیا امیر اتے غریب اتھو وی غریب تھیندا گئے، امیر آدمی ٹیکس کھا ویندے اتے ایہو ٹیکس غریب کوں ڈیونڑا پوندے، 90 فیصد ان ڈائریکٹ ٹیکس ہین، مہانگ کرتے ٹیکس گھدا ویندے جڈاں جو پروگریسو جمہوریت اچ امیر توں ٹیکس گھن تے رعایتاں غریب کوں ڈتیاں ویندن۔وزیراعظم آکھیے جو ریل عام لوکاں دی سواری اے،جیہڑی حکومت عوام دا سوچیندی اے او ریل نظام کون ودھیندی اے بھل ساڈے ملک اچ انگریز دے ونجنر توں بعد صرف چھی سو کلو میٹر نواں ریلوے ٹریک بنڑایا ونج سگے، موٹر وے بنڑ ویندن بھل ایندا غریب کوں کوئی فیدہ نئیں ملدا، اے ایلیٹ ازم دی وڈی نشانی اے۔وزیراعظم آکھیے جو ساڈی حکومت غریب دی چنگائی کیتے کم کریسی، امیر غریب کیتے ہکو جھیں ترقی تھیسی، غریب آدمی کوں ودھ توں ودھ سوکھ ڈتا ویسی۔وزیراعظم آکھیے جو چین ڈیہدے ہی ڈیہدے تیزی نال ترقی کریندی طاقت بنڑ گئے،خوشی اے جو اساں چین آلی کار سی پیک دے تحت ریلوے ٹریک وچھیندے پئے ہیں، کراچی توں پشاورتئیں ایم ایل ون سی پیک دے تحت ہوسی۔وزیراعظم آکھیے جو اساں قرض دی بنیاد تے روزانہ 6 ارب روپے سودڈیندے پئے ہیں، ملک دا مستقبل داءتے لگا ہوئے،ارباں کھرباں روپے دی سرکاری زمین قبضے وات اے،اساں اسلام آباد اچ 100 ارب روپے دی سرکاری زمین قبضہ مافیا دے وات اچوں کھسی اے،ایندے بعد لاہوراتے کراچی اچ وی آپریشن شروع تھیندا پئے، قابضین پٹی بدھ گھنین۔جیکر صرف ریلوے دی رکاچی آلی زمین وی چھڑوا گھنوں تاں ریلوے دا سارا قرضہ لہیج سگدے، قبضہ زدہ زمین چھڑا تے ایکوں فیدہ مند بنڑیسوں۔وزیراعظم آکھیے جو پاکستان دے حالات ڈیکھو کیوں ایویں تھین جواج پانڑی دی فکر پئے گئی اے،ادھی آبادی کوں ٹُکر نئیںلبھدا،اساں ہیومن ڈویلپمنٹ انڈیکس اچ غریب ترین ملکاں اچ 147 ویں نمبرتے ہیں،اساڈی حکومت ملک اتے قوم دا پیسہ بچا تے ولا انہاں تے لیسی،قوم کون احساس ڈواونڑے جو انہاں دا پیسہ انہاں دے اپنڑے آپ تے ہی خرچ تھیندا پئے۔وزیراعظم آکھیے جو ریلوے پٹڑی کوں ودھ توں ودھ ودھیسوں اتے وزیرستان سودھے ملک دے دور دراز علاقیاں تئیں پچیسوں، ریلوے دی ترقی کیتے چین دے تجربے توں فیدہ چاتا ویسی،ایں سانگے میں نومبر اچ چین ویساں اتے نال وزیر ریلوے کوں وی گھن ویساں۔
