اسلام آباد ۔ 6ستمبر (اے پی پی) سپیکر قومی اسمبلی اسد قیصر اتے ڈپٹی سپیکر محمد قاسم خان سوری چوہدری محمد سرور کوں گورنرپنجاب دا منصب سانبھنر تے مبارخبا د ڈیندے ہوئیں انہاں سانگے نیک خواہشات دا اظہار کیتے۔ خمیس کوں اپنڑے انج انج تہنیتی پیغام اچ انہاں آکھیا جو چوہدری محمد سروردی بطور گورنر تقرری قیادت ولوں انہاں دی صلاحیت تے اعتماد دا اظہار ہے۔ چوہدری محمد سرور ہک زیرک ، معاملہ فہم اتے چنگی سوچ رکھنڑ آلے سیاسی رہنما ہن ۔انہاں دی قیادت اچ صوبائی حکومت صوبے کوں تر قی دی راہ تے گامزن کرنڑ سانگے چنگیاں پالیسیاں بنڑیسی۔ انہاںتوقع ظاہر کیتی جو ا وہ اپنڑے حکومتی اتے سیاسی تجربے دی روشنی اچ صوبہ پنجاب اچ وفاق دے بہترین معاون ثابت تھیسن۔ چوہدری محمد سرور وفاق اتے صوبے وچال تعلقات کوں بیا مضبوط کرنڑ سانگے عملی اقدامات کریسن۔ انہاں دی بطور گورنر تقرری صوبے دی ترقی اتے خوشحالی سانگے نیک شگون ثابت تھیسی۔
