اسلام آباد ۔ 19ستمبر (اے پی پی) وزیر مملکت برائے مواصلات مراد سعید آکھیے جونیشنل ہائی وے دے 34 منصوبیاں دی لاگت اچ 40 فیصد ودھارے دے انکوائری اتے آڈٹ دی ہدایت کیتی اے، وزارت مواصلات دے محکمیاں اچ شفافیت اتے احتساب دا نظام متعارف کراونڑ کیتے ای ٹینڈر، ای بڈنگ اتے ای بلنگ نظام گھن آسوں۔وزارت مواصلات ا چ متعلقہ محکمیاں دی بریفنگ توں بعدمیڈیا نال الویندے ہوئیں مراد سعید ااکھیے جو کجھ لوکاں کوں شاہرات دی تعمیر دے ٹھیکے سیاسی دباﺅ تے ڈتے گین، چکدرہ۔کالام سیکشن شاہراہاں دی تعمیر دے ٹھیکے اچ کم تے دیر کر تے 40 فیصد تئیں لاگت ودھاتے وڈا مالی فیدہ چاتا گئے، اینجھے 34 توں ودھ منصوبے ہین جیکوں ویلھے تے مکمل نہ کرتے 40 فیصد تئین لاگت ودھائی گئی جیندی آڈٹ رپورٹ بنڑاونڑدی ہدایت کیتی گئی اے اتے انکوائری وی کیتی ویسی۔ وزیراعظم عمران خان جیہڑا سو ڈینہہ دا ایجنڈا ڈتے ایندے کیتے وزارت مواصلات کارکردگی ڈکھیسی۔
