اسلام آباد ۔ 20ستمبر (اے پی پی) وزیر خارجہ شاہ محمود قریشی وزیر اعظم عمران خان دے دورے دے دوران بھرپور میزبانی تے سعودی عرب تے متحدہ عرب امارات دا شکریہ اداکیتے ۔ وزیر خارجہ شاہ محمود قریشی جیرھے دورے دے دوران وزیراعظم دے نال ہن وطن واپسی تے خمیس کوں اپنڑی سماجی ویب سائٹ تے ٹویٹ پیغام اچ اپنڑی نیک تمنا دا اظہار کیتا ۔ وزیر خارجہ خاص طور تے سعودی فرمانروا شاہ سلمان بن عبدالعزیز السعود داشکریہ ادا کیتا جنہاں وفد کوں کعبة اللہ اتے روضہ رسول اچ داخل تھیونڑدا موقع ڈتا ۔انہاں آکھیا جو ” میں خادم الحرمین الشریفین شاہ سلمان بن عبدالعزیز السعود دا شکر گزار ہاں جنہا ں اساکوں عزت ڈتی تے خانہ کعبہ اتے روضہ رسول اچ داخل تھیونڑ تے باب توبہ تے نوافل ادا کرنڑ دا موقع ڈتا ۔وزیر خارجہ ابو ظہبی دے ولی عہد محمد بن زید النیہان دی روایتی میزبانی تے شکریہ اداکریندے ہویں آکھیا جو پاکستانیاں دے دل اچ متحدہ عرب امارات دی خصوصی جاہ اے ۔انہاں آکھیا جو نہ صرف متحدہ عرب امارات اساڈا تجارتی تے سرمایہ کاری دا شراکت دار ہے بلکہ پاکستان دے عوام دے دل اچ متحدہ عرب امارات سانگے خصوصی محبت اے ۔
