اسلام آباد ۔ 31 اکتوبر (اے پی پی) محکمہ موسمیات آندے ڈو ترائے ڈینہہ اچ ملک دے بالائی علاقیاں اچ مینہ وسنڑ اتے پہاڑاں تے برف پوونڑ دا امکان ظاہر کیتے۔خمیس کوں مالاکنڈ، ہزارہ، مردان، پشاور، کوہاٹ، راولپنڈی ڈویژن، اسلام آباد، کشمیر اتے گلگت بلتستان اچ کتھائیں کتھائیں جڈاں جو بنوں، ڈی آئی خان، سرگودھا اتے گوجرانوالہ ڈویژن اچ کجھ جاہیں تے تیز ہوائیں ، کھمنڑ اتے گاج نال مینہ تھیسی اتے پہاڑاںتے برف پوسی۔ ایں دوران مالاکنڈ ڈویژن (سوات، چترال،کالام، مالم جبہ، اپر دیر)، ہزارہ ڈویژن، مری اتے گلیات، گلگت بلتستان اتے کشمیر اچ برف باری دا امکان اے۔ملک دے بئے علاقیان اچ موسم خشک راہسی۔ گذریل 24 گھنٹے اچ وی ملک دے اکثر علاقیاں اچ موسم رکھا رہے اتے گھٹ توں گھت درجہ حرارت سکردو اچ منفی 3 ڈگری سینٹی گریڈ ریکارڈ کیتا گئے۔
