اسلام آباد ۔ 16 اکتوبر (اے پی پی) وزیراعظم عمران خان نال آل پاکستان نیوز پیپرز سوسائٹی دے وفد ملاقات کیتی جتھاں وزیر اطلاعات چوہدری فواد حسین، معاون خصوصی برائے میڈیا افتخار درانی، سینیٹر فیصل جاوید اتے سیکرٹری اطلاعات شفقت جلیل وی موجود ہن۔وفد وزیراعظم کوں عہدہ سنبھالنڑ تے مبارک ڈتی ،اتے اخباری صنعت دے مسائل ڈسائے ۔ وزیراعظم ا ٓکھیا جو سابقہ ادوار دے جمع شدہ میڈیا دے بقایا جات دیاں ادائیگیاں کیتے لائحہ عمل بنڑدا پئے،جمہوریت دے ودھارے، گڈ گورننس، شفافیت ، میرٹ اتے لوکان کوں آگاہی ڈیونڑ سانگے میڈیا دا پورا ہتھ ونڈایا ویسی، تحریک انصاف دے نظریئے کوں عوام تئیں پچاونڑ کیتے میڈیا دا بہوں وڈا کردار اے جیکر میڈیا نہ ہوندا تاں اچ اساں اِتھاں نہ ہوندے۔
