اسلام آباد ۔ 18 اکتوبر (اے پی پی)صدر مملکت ڈاکٹر عارف علوی آکھیے جو پاکستان دیاں فوجاں کہیں وی خطے نال نبڑن دی صلاحیت رکھیندن،پاک فضائیہ دی بہادری منی ہوئی اے،باہمی احترام دی بنیاد تے اقوام عالم نال چنگے تعلقات چاہندے ہیں۔ او پاکستان ایئر فورس اکیڈمی اصغر خان رسالپور اچ پاسنگ آﺅٹ پریڈ نال خطاب کریندے پئے ہن۔پاسنگ آوٹ پریس اچ 140 جنرل ڈیوٹی پائلٹ، 86 انجینئرنگ،96 ایئر ڈیفنس،21 ایڈمنسٹریشن اینڈ سپیشل ڈیوٹیز اتے 5 لاجسٹکس کورسز دی گریجویشن تھئی۔ صدر مملکت تقریب دے مہمان خصوصی ہن۔انہاں آکھیے جو پاکستان دیاں فضائی حدود دی محافظ ہوونڑ پاروں پاک فضائیہ اپنڑیاں پیشہ وارانہ صلاحیتیاں ،غیر متزلزل جذبہ،مستقل مزاجی اتے انتھک محنت کوں پوری دنیا اچ منوا چکی اے اتے اپنڑی فضائی افواج تے پوری قوم کوں مانڑ اتے اعتماد اے، یقین اے جو پاک فضائیہ اے مانڑ بیا اچا کریسی۔انہان امن اتے جنگ توں علاوہ دہشتگردی کون مکاونڑ کیتے پاک فضائیہ دے کردار اتے ایندے جواناں دے جذبہ دی تعریف کیتی۔تقریب اچ 107 ایوی ایشن کیڈٹس گریجویٹ تھین جیکوں صدر مملکت برانچ دا نشان اوتے پوزیشناں گھنڑ تے انعامات ونڈین۔نمبر 4 سکواڈرن کوں اکیڈمی چیمپیئن سکواڈرن بنڑن تے قائداعظم بینرڈتا ، کالج آف فلائنگ ٹریننگ اچ بہترین کارکردگی تے چیف آف دی ایئر سٹاف ٹرافی ایوی ایشن کیڈٹ فرحان خالد اعوان کوں ڈتی،ایوی ایشن کیڈٹ ونگ انڈر آفیسر طلحہ حسیب کالج آف فلائینگ ٹریننگ اچ اعزازی شمشیر گھدی۔جنر ل سروس ٹریننگ اچ بہترین کارکردگی تے چیئرمین جوائنٹ چیف آف سٹاف کمیٹی ٹرافی ایوی ایشن کیڈٹ اکیڈمی انڈر آفیسر شہریار احمد ملک جڈاںجوکالج آف ایئرو ناٹیکل انجینئرنگ اچ چنگی کارکردگی تے چیف آف دی ایئر سٹاف ٹرافی اتے مجموعی بہترین کارکردگی تے اعزازی شمشیر ایوی ایشن کیڈٹ ونگ انڈر آفیسر عبدالر حمان کوں ملی۔ 96 ایئر ڈیفنس کورس اتے 21ویں ایڈمنسٹریشن اینڈ سپیشل ڈیوٹیز کورس اچ بالترتیب ایوی ایشن کیڈٹ بابر عبداللہ اتے ایوی ایشن کیڈٹ صہیب احسن بہترین کارکردگی دی ٹرافی گھدی۔ 5ویں لاجسٹک کورس اچ مجموعی کارکردگی دی ٹرافی ایوی ایشن کیڈٹ ذیشان اشرف گھدی۔ پریڈمکنڑ ویلھے پی اے ایف اکیڈمی دی”شیر دل فارمیشن“ اتے ”بریو ہارٹس“پیشہ ورانہ فلائنگ مظاہرہ کیتے۔
