ابوظہبی۔17 اکتوبر (اے پی پی) ابوظہبی اچ تھیونڑ آلے پاک آسٹریلیا ڈوجھے ٹیسٹ میچ اچ پاکستان دی میچ تے پکڑتکڑی تھی گئی اے، محمد عباس کینگروز دا تیا پانچا کرڈتے جیں پاروں آسٹریلوی ٹیم پہلی اننگزاچ 145 رنز تے مُک سُتی اے،محمدعباس کریئر بیسٹ 5 وکٹاں گھدن جڈاں جو بلال دیاں 3 وکٹاں اتے یاسر ہک وکٹ گھدی۔ پاکستان ڈوجھی اننگ اچ 2 وکٹاں تے 144 رنز بنڑا تے مجموعی طورتے 281 رنز دی وتھی گھن گھدی، فخر زمان اتے اظہر علی ادھ سنچریاں مارن۔ ابوظہبی ٹیسٹ دے دوجھے ڈینہہ محمد عباس اتے بلال کینگروز کوں پریشان کر ڈتے اتے کہیں وی کھیڈاڑی کوں جم تے نئیں کھیڈنڑ ڈتا۔ڈوجھے ڈینہہ آسٹریلوی ٹیم 20 رنز 2 کھلاڑی آﺅٹ تے ولا اننگ زشروع کیتی تاں شان مارش 3 رنز، ٹریوس ہیڈ 14 رنز،مچل مارش 13 رنز، فنچ 39 رنز ،کپتان ٹم پین 3 رنز ، لبوشگنے 25 رنز، نیتھن لیون 2 رنز اتے سٹارک 34 رنزبنڑا تے کل سکورہک سو ستالی تے آوٹ تھی گئے۔جیندے بعد پاکستان کوں 137 رنز دی وتھی ملی۔ جواب اچ پاکستانی ٹیم ڈوجھے ڈینہہ کھیڈ مکنڑ تئیں ڈو وکٹاں تے 144 رنز بنڑا تے مجموعی طورتے 281 رنز دی برتری کر گھدی اے، محمد حفیظ 6 رنز اتے فخرزمان شاندار66 رنز بنڑا تے آوٹ تھین۔اظہر علی 54 اتے حارث سہیل 17 رنز نال کریز تے ہین۔
