اسلام آباد ۔ 22 نومبر (اے پی پی)وزیر مملکت برائے داخلہ شہریار آفریدی آکھیے جو قومی سلامتی تے کوئی سمجھوتہ نہ کیتا ویسی،عوام اتے قومی سلامتی دے اداریاں دے خلاف کم کرنڑآلیاں کوں نشان عبرت بنڑیسوں،اے گالھ انہاں اسلام آباد اچ پاکستان انسٹی ٹیوٹ فار کنفلیکٹ اینڈ سکیورٹی سٹڈیز ولوں کانفرنس نال خطاب اچ کیتی اے۔انہاں دا آکھنڑ ہا جو ساڈیاں سماجی قدراں اتے قومی سلامتی دا تحفظ سارے طبقیاں دی کٹھی ذمہ واری اے،حکومت قانون نافذ کرنر آلے اداریاں دے نال اگو اگو کھڑی ہوسی۔ انہاں دا آکھنڑ ہا جو ساکوں روایتی سوچ توں اگو تے ودھ تے کم کرنڑے، سب توں پہلے پاکستان اے اتے ول کجھ بیا ہوسی،قومی سلامتی سے سمجھوتہ نہ کریسوں،چیلنجاں نال نبڑن کیتے نینگراں اچ شعور ودھاونڑا ہوسی، دنیا کوں دہشتگردی دے خلاف جنگ اچ پاکستان دیاں قربانیاں کوں منڑاں چاہیدے۔ وزیر داخلہ آکھیا جو ساکوں ریٹنگ دے چکر اچ پوونڑ دی بجائے ملک اچ فساد اتے بے چینی پھیلاونڑ آلیاں خبراں توں گریز کرنڑا چاہیدے،میڈیا اچوں چھوٹے ورکراں کوں کڈھنڑ افسوسناک اے،نویں پاکستان اچ دفاع وطن کیتے جان قربان کرنڑ آلے فوجی جواناں اتے صحافیاں دے نال کھڑے ہیں۔
