اسلام آباد ۔ 14 نومبر (اے پی پی) قومی احتساب بیورو (نیب) دے چیئرمین جسٹس (ر) جاوید اقبال سینیٹ قائمہ کمیٹی برائے قانون و انصاف کو ں بیور و دی مجموعی کارکردگی بارے بریفنگ ڈیسن ۔ اجلاس جمعے کوں پارلیمنٹ ہاوس اسلام آباد اچ چیئرمین سینیٹر جاوید عباسی دی سربراہی اچ تھیسی ۔ سینیٹ سیکرٹریٹ ولوں جاری کیتے گے نوٹس دے مطابق قومی احتساب بیورو دے چیئرمین جسٹس (ر) جاوید اقبال قانون وانصاف دی سینیٹ کمیٹی کوں زیرالتواءمقدمیں اتے انکوائریاں اتے استغاثہ بارے ڈسیسن۔ایندے علاوہ نیب چیئرمین جسٹس (ر) جاوید اقبال کمیٹی کو ں ایں بارے وی ڈسیسن جو گزریل ترائے سالاں دے دوران بیورونے کتنی ریکوریز کیتی اے۔ایجنڈے دے مطابق چیئرمین بیورو اے بریفنگ وی ڈیسن جو کہیں بندے ناں ایگزٹ کنڑول لسٹ ( ای سی ایل ) اچ پاونڑ دا کیا طریقہ کار اے تے گزریل ترائے سالاں اچ کتنے لوکاں دے ناں ای سی ایل اچ پاتے گن اتے ایندی وجوہات کیاہن ۔
