اسلام آباد ۔ 6 نومبر (اے پی پی) وزیر خزانہ اسد عمرنال امریکہ دی پرنسپل ڈپٹی اسسٹنٹ سیکرٹری برائے بیوروآف ساﺅتھ اینڈ سنٹرل ایشیاءسفیر ایلس ویلزملاقات کیتی اتےو زارت خزانہ اچ وفوددی سطح تے مذاکرات وی کیتے گئے جیندے اچ ڈوہاں ملکاں وچال خطہ اچ امن و استحکام ،ڈوطرفرفہ تعلقات ودھاونڑ کیتے کٹھیاں کوششاں تے اتفاق کیتے۔وزارت خارجہ دے مطابق وفود دے مذاکرات اچ ایڈیشنل سیکرٹری (امریکاز) آفتاب کھوکھر پاکستانی وفددی قیادت کیتی۔ وفد اچ وزارت داخلہ اتے وزارت دفاع دے سینئر حکام وی موجود ہن۔اجلاس اچ وزیر خارجہ شاہ محمود قریشی اتے امریکی سیکرٹری خارجہ مائیکل رچرڈ پومپیووچال باہمی اعتماد اتے احترام دے تعلقات کوں نویں سروں شروع کرنڑ تے اتفاق رائے،بالخصوص اقتصادی و تجارتی تعاون اتے عوامی رابطیاں دے ودھاونڑ دا وی جائزہ گھدا گیا۔وفد علاقائی صورتحال اتے افغانستان اچ امن و استحکام تے وی الوایا۔
