اسلام آباد ۔ 9 نومبر (اے پی پی) وزیراعظم عمران خان آکھیے جو ملک توں پولیو مکاونڑساڈا قومی مقصد اے ایندے کیتے وفاقی حکومت سارے وسائل لیسی اتے پوراپورا ہتھ ونڈیسی۔ اے گالھ انہاں اسلام آباد اچ انسداد پولیو کیتے قومی ٹاسک فورس دے اجلاس دی صدارت کر یندے آکھی۔ اجلاس اچ وزیر صحت عامر محمود کیانی، گورنر خیبر پختونخوا شاہ فرمان، وزیراعلیٰ پنجاب سردار عثمان بزدار، وزیراعلیٰ سندھ سید مراد علی شاہ، وزیراعلیٰ گلگت بلتستان حافظ حفیظ الرحمان، لیفٹیننٹ جنرل محمد افضل، صوبیاں دے چیف سیکریٹریز اتے انسداد پولیو مہم اچ شراکت دار اداریاں اتے متعلقہ سینئر حکام شرکت کیتی۔ اجلاس اچ پولیو دی سورتحال،اے بیماری مکاونڑ کیتے سیکیورٹی، سازگار ماحول اتے ہنڑ تئیں دے اقدامات تے بریفنگ ڈتی گئی۔وزیراعظم پولیو مکاونڑ سانگے آگاہی مہم تے زور ڈیندے آکھیا جو ایں سانگے وفاقی حکومت صوبیاں دا پورا ہتھ ونڈیسی، پولیو مہم دی اگوانڑی ہر صوبے اچ وزیراعلیی آپ کرن تاں جو ایں بیماری کوں تیکھے مکا تے آونڑ آلی نسل کوں محفوظ بنڑایا ونج سگے۔
