جہلم ۔ 14 دسمبر (اے پی پی) وفاقی وزیر اطلاعات و نشریات چوہدری فواد حسین آکھیے جو اپوزیشن قومی اسمبلی اچ غیر جمہوری ہتھکنڈے استعمال کریندی پئی اے، قومی اسمبلی اچ اپوزیشن کوں پہلے ہی بہوں وڈی رعایت ڈتی اے بھل او ہنڑ وی ایوان چلاونڑ ڈیونڑ کیتے تیار کائنی،اپوزیشن شور مچاتے آصف زرداری اتے ریف خاندان دے مقدمیاں توں جان چھڑاونڑ چاہندن،پارلیمنٹ اچ نیب اتے حکومت تے تنقید دی بجائے قانون سازی اتے قومی مسائل تے توجہ ڈیونڑی چاہیدی اے، نوازشریف ولا جیل اچ ہوسن۔ اے گالھ وفاقی وزیر اطلاعات و نشریات چوہدری فواد حسین جہلم اچ میڈیا نال گالھ مہاڑکریندے ہوئے آکھی۔انہاں آکھیا جو حکومت اپنڑے مفاد کیتے ایوان اچ شور مچیندی اے، پہلے اپوزیشن انتخابات بارے کمیٹی بنڑاونڑتے اودھم مچائے ولانیب قوانین اچ تبدیلی کیتے روئی اے اتے ہنڑبلیک میل کرتے مرضی داچیئرمین پی اے سی لوائے بھل ایندے باوجود اج وی ایوان اچ واک آوٹ کیتے اتے ہنگامہ مچائے جو سعد رفیق دے پروڈکشن آرڈر جاری کرو۔ فود چوہدری آکھیے جو اپوزیشن قومی اسمبلی کوں نیب دے اُتے کورٹ آف گورنربڑا ڈتے، سارے ملزم قومی اسمبلی کوں صفائیاں ڈیونڑکیتے استعمال کریندن، عوامی مسائل دی بجائے ذاتی مفاد تے گالھ کیتی ویندی اے،اے ایویں ہی نیب تے روندے پٹدے راہسن کیوں جو اے شور مچا تے آصف زرداری اتے نواز شریف دے مقدمات توں جان چھڑاونڑ چاہندن، انہاں کون کوئی این آر او نہ ملسی۔
