اسلام آباد ۔ 16 دسمبر (اے پی پی) صدر مملکت ڈاکٹر عارف علوی سانحہ اے پی ایس دے شہیداں دے درجات دی بلندی اتے اہل خانہ سانگے صبر جمیل دی دعا کیتی ہے۔ اتوار کوں سانحہ آرمی پبلک سکول پشاور دی چوتھی برسی دے موقع تے ایوان صدر توں جاری کیتے گئے بیان مطابق صدر مملکت آکھیے جومعصوم طلباءاتے استاداںدی قربانی قوم کوں بیدار اتے ہک مٹھ کیتے، قوم اے پی ایس دے شہیداں اتے انہاں دے لواحقین دی قربانی ہمیشہ یاد رکھیسی۔ انہاں آکھیا جو قوم دہشت گردی دے خلاف کامیابی نال لڑن تے پاک فوج سمیت سایاں سیکورٹی فورسز دیاں قربانیاں کوں منیدی ہے، سانحہ اے پی ایس ہک قومی المیہ دے نال تجدید عہد دا وی ڈینھ ہے۔ صدر آکھیاجو اج دے ڈینھ قوم ایہ عہد کرے جو ملک وچوں انتہا پسندی دا رستہ ہمیشہ سانگے روکنڑ کیتے ہر قسم دی قربانی سانگے تیار راہسی۔
