اسلام آباد ۔ 20 دسمبر (اے پی پی) صدر مملکت ڈاکٹر عارف علوی نال ترک وزیر دفاع جنرل (ر) ہولوسی اکارایوان سدر اسلام آباد اچ ملاقات کیتی۔ صدر مملکت آکھیا جو ترک کمپنیاں ولوں پاکستان اچ توانائی اتے انفراسٹرکچر منصوبیاں اچ سرمایہ کاری نال ڈو طرفہ تعلقات مستحکم تھیسن اتے ڈوہاں قوماں دی ترقی و خوشحالی اچ وی مدد ملسی۔ترک وزیر دفاع امید کیتی جو صدر ڈاکٹر عارف علوی دے حالیہ دورہ ترکی پاروں تعلقات بئے مضبوطتھیسن اتے آپسی رابطے ودھسن۔ملاقات اچ ڈوہاں ملکاں وچال دفاع،امن و سلامتی اتے ہکو جھیں معاملیاں دے نال نال علاقائی صورتحال تے الوایاگیا۔ معزز مہمان دہشت گردی دے خلاف جنگ اچ پاکستان دیاں کوششاں دی تعریف کیتی۔
