اسلام آباد ۔ 10 دسمبر (اے پی پی) وزیراعظم عمران خان دے زیر صدارت وفاقی کابینہ دا اجلاس تھئے جیندے اچ وزارتاںدی کارکردگی دا جائزہ گھدا گئے، اجلاس اچ فیصلہ کیتا گئے جو حکومتی کارکردگی کوں چنگا کرنڑ کیتے وزارتاں دی کارکردگی بارے جائزہ اجلاس ہر ترائے مہینے ضرور کیتا ویسی۔اجلاس اچ وزارتاں اچ خدمات دی فراہمی، کفایت شعاری دی پالیسی اپناونڑ سانگے اقدامات تے مستقبل دے منصوبیاں خاص کر ہر ہک وزارت دی کارگردگی اچ مزید بہتری کیتے گالھ مہاڑ تھئی۔اجلاس اچ اے وی فیصلہ کیتا گئے جوہر وزارت کوں عمل درآمدکیتے پنج سالہ مخصوص سٹریٹجک پلان دی تیاری دا ہدف ڈتا ویسی تاں جو کارکردگی ودھ توں ودھ چنگی کیتی ونج سگے،اتے اے یقینی بنڑایا ویسی جو حکومت دی مجموعی کارگردی درست سمت آلے پاسے راہوے تاں جو شہریاں دا جیونڑ سوکھا کیتا ونج سگے۔
