پاکستان اتے متحدہ عرب امارات دے تعلقات بھائی چارے اتے ڈو پاسہ تعاون نال جڑین،ڈوہیں ملکاں دے ڈوپاسہ تعلقات ودھدیں ہوئیں اتے ہر شعبے اچ ترقی کریندیں ہوئیں لمبی مدت دے سٹریٹجک اکنامک پارٹنرشپ اچ بدل گئن ،وزیر اعظم عمران خان دا متحدہ عرب امارات دے قومی ڈےنھ دے موقع تے تہنیتی سنھیا
اسلام آباد ۔02 دسمبر(اے پی پی)وزیر اعظم عمران خان آکھیا جو پاکستان اتے متحدہ عرب امارات دے تعلقات بھائی چارے اتے ڈو پاسہ تعاون نال جڑین،ڈوہیں ملکاں دے ڈوپاسہ تعلقات ودھدیں ہوئیں اتے ہر شعبے اچ ترقی کریندیں ہوئیں لمبی مدت دے سٹریٹجک اکنامک پارٹنرشپ اچ بدل گئن۔اتوار کوں وزیراعظم دے میڈیا ونگ ولوں جاری پریس ریلیز دے مطابق اے گالھیں انہاں متحدہ عرب امارات دے قومی ڈےنھ دے موقع تے تہنیتی سنھیا اچ آکھی۔ ۔ متحدہ عرب امارات دی قیادت کوں بھیجے ونجنڑ آلے خط اچ وزیراعظم ولوں مبارکباد اتے نیک خواہشات دا سنھیا ڈتا گیا۔47 سال دے مختصر عرصے اچ اج امارات ترقی، خوشحالی اتے گڈ گورننس دی مثال بنڑ گئے جیڑھا جو عرب امارات دی قیادت دی دوراندیشی دا منہ بولیندا ثبوت اے۔
