اسلام آباد / لاہور۔ 11 دسمبر (اے پی پی)نیب لاہور پیراگون سٹی کیس اچ لاہور ہائیکورٹ ولوںضمانت مستردتھیونڑ تے سابق وزیر ریلوے خواجہ سعد رفیق اتے انہاں دے بھراخواجہ سلمان رفیق کوں گرفتارکر گھدے۔ نیب اعلامیے دے مطابق ملزمان ایل ڈی اے دی منظوری دے بغیر سرکاری عہدے دا غیر قانونی استعمال کریندے ہوئے غیر قانونی منصوبہ دی توسیع اتے مارکیٹنگ کیتی، کئی کمرشل پلاٹس غیر قانونی طورتے ویچن۔ ایں توں پہلے لاہور ہائیکورٹ پیرا گون سٹی کرپشن کیس اچ سامنڑے آونڑ آلے نیب لاہور دے شواہد پاروں خواجہ بردران دی ضمانت خارج کرڈتی اتے نیب لاہور دی ٹیم ملزمان کوں احاطہ عدالت توں گرفتار کر گھدے۔ملزم لیگی رہنما اتے سابق وزیر ریلوے خواجہ سعد رفیق دے خلاف انکوائری اچ نیب آرڈیننس 1999 دی شق 9A دے تحت بد عنوانی اچ ملوث ہوونڑ دے واضح ثبوت ملین اتے انہاں کوں حقائق اتے ٹھوس شواہدتے تحقیقات تور پجاونڑ کیتے گرفتار کیتا گئے۔خواجہ سعد رفیق اہلیہ غزالہ سعد رفیق، بھرا خواجہ سلمان رفیق اتے پراپرٹی ڈیلرزقیصر امین بٹ اتے ندیم ضیاءنال رل تے ایئر ایونیو دے ناں توں ہاﺅسنگ پراجیکٹ شروع کیتا بھل بعد اچ اوندا نال بدل تے میسرز پیراگون سٹی پرائیویٹ لمیٹڈ رکھیا۔ ریکارڈ دے مطابق میسرز پیرا گون سٹی غیر قانونی سوسائٹی اے ۔ ملزمان سوسائیٹی ممبران نال جعلسازی کیتی اتے لوکاں توں غیر قانونی طور تے پیسہ بٹوریے،خواجہ سعد رفیق اپنڑے اتے بھرا خواجہ سلمان رفیق دے ناں تے 40 کنال دے پلاٹ گھدن،منصوبہ دی غیر قانونی توسیع کیتی، مارکیٹنگ دے ذریعے کئی کمرشل پلاٹس ویچ تے مال کمائے جڈاں جوارباں روپے دے اے پلاٹ میسرز پیراگون سٹی دی ملکیت وی نہ ہن۔
