اسلام آباد ۔ 8 جنوری (اے پی پی) وزیراعظم عمران خان بھارتی کرکٹ ٹیم اتے ایندے کپتان ویرات کوہلی کوں آسٹریلیا اچ ٹیسٹ سیریز جتنڑ تے مبارخ ڈتی اے ۔وزیراعظم منگل کوں اپنڑے ٹویٹ اچ ویرات کوہلی تے بھارتی کرکٹ کوں آسٹریلیا اچ برصغیر دی کہیں ٹیم دی ٹیسٹ سیریز اچ پہلی کامیابی تے مبارخ ڈتی اے ۔ واضح رہے جو بھارت میزبان آسٹریلیا کوں ایندی سرزمین تے چا رٹیسٹ میچاں دی سیریز اچ 2-1 توں ہرا ڈتے ، آسٹریلیا اتے بھارت وچال چوتھا اتے چھیکڑی کرکٹ ٹیسٹ میچ گزریل ڈینھ ہر جت دے فیصلے دے بغیر ختم تھیگیا ہئی ۔ کپتان ویرات کوہلی دی قیادت اچ نہ صرف بھارت آسٹریلوی سر زمین تے پہلی سیریز جتی بلکہ او آسٹریلیا دی سرزمین تے ٹیسٹ سیریز جتنڑ آلا پہلا ایشیائی ملک بنڑ گئے ۔
