اسلام آباد ۔ 17 جنوری (اے پی پی) وفاقی وزیر برائے غذائی تحفظ و تحقیق ( نیشنل فوڈ سیکورٹی اینڈ ریسرچ )صاحبزادہ محبوب سلطان آکھیے جو حکومت وزیر اعظم عمران خان دی قیادت اچ نہ صرف اپنڑی آئینی مد پوری کریسی بھل اپنڑا مشن وی پورا کریسی اتے ملک توںکرپٹ عناصر کوں مکایا ویسی۔ انہاںا ٓکھیے جو موجودہ حکومت زراعت سودھے سارے شعبیاں دی ترقی کیتے کم کریندی پئی اے، ملکی ترقی اتے خوشحالی کیتے ہر ممکن کم کیتا ویسی۔ اے پی پی نال الویندے ہوئیں صاحبزادہ محبوب سلطان آکھیا جو حکومت کوں بہوں ودھ چیلنج ہین بھل اساں لوکاں دی خدمت اتے انہاں دے نال کیتے گئے وعدے پورے کرنڑ کیتے محنت کریندے پئے ہیں، اتے اساں اپنڑے عزم اچ سرخرو تھیسوں، سابقہ دور اچ ملک کوں ڈوہین ہتھاں نال لٹ تے کنگلا کرنڑ آلے کرپٹ عناصر قانون دی وٹھ اچ آونڑ لگ گین، ہنڑ لٹیا ہویا پیسہ ول گھن آ تے عوام نال کیتا گیا ہک بیا وعدہ پورا تھیسی۔انہان ٓکھیے جو عمران خان لوکاں دا جیونر بدلنڑ چاہندن تاں جو محروم طبوے وی ترقی کوں اپنڑیاں اکھین نال ڈیکھ سگین ۔
