انقرہ ۔ 4 جنوری (اے پی پی) وزیراعظم عمران خان پاکستان اچ ودھدی ہوئی ترک سرمایہ کاری تے اطمینان کریندیں ہوئیں آکھیا جو پاک۔ترک مثالی برادرانہ تعلقات کوں فعال اقتصادی شراکت داری اچ ڈھالنڑ دی لوڑھ تے زور ڈتے۔انہاں اے گالھ جمعہ کوں اتھاںممتاز ترک کاروباری شخصیات اتے سرمایہ کاراں نال ملاقات اچ گالھ مہاڑ کریندیں ہوئیں آکھی۔ ۔ ترکی دے خارجہ اقتصادی تعلقات بورڈ دی پاک۔ترک بزنس کونسل ولوں اجلاس اچ تقریباً 20 سرکردہ سرمایہ کاراں شرکت کیتی جنہاں دے کئی منصوبے پاکستان اچ جاری ہن ۔انہاں آکھیا جو پاکستان انسانی تے معدنی وسائل نال مالامال ملک اے جتھاں تعلیم یافتہ افرادی قوت موجود اے،پاکستان دی سرمایہ کاری دوست پالیسی ترک سرمایہ کاراں سانگے مثالی موقع ڈیندی اے،کاروبار اچ سوکھ اتے بئی بہتری سانگے ملک اچ مربوط کوششاںجاری ہن ۔ مذکورہ بورڈ دے صدر نیل اولپاک اتے پاک۔ترک بزنس کونسل دے چیئرمین عطاءاﷲ یرلیکایا پاکستان اچ ترک سرمایہ کاری بارے ڈسایا۔۔ لیماک کنسٹرکشن، کوکا کولا بیوریجز، ہیول سان، حیات کیمیا، ارشلک دولسر، ٹی جی ایل ٹرانسٹس گلوبل لاجسٹکس، زورلو انرجی، اورا کنسٹرکشن، بینک الحبیب اور تم ایکپ فارما دے سی ای اوز اتے سینئر حکام اجلاس اچ شریک تھیے ۔ وزیر خارجہ شاہ محمود قریشی، وزیر خزانہ اسد عمر، وزیر منصوبہ بندی مخدوم خسرو بختیار، وزیراعظم دے مشیر برائے تجارت عبدالرزاق داﺅد، وزیراعظم دے معاون خصوصی برائے سمندرپار پاکستانیز ذوالفقار بخاری، خارجہ سیکرٹری تہمینہ جنجوعہ، ترکی اچ پاکستان دے سفیر محمد سائرس سجاد قاضی اتے استنبول اچ پاکستان دے قونصلر جنرل بلال خان پاشا وی ملاقات اچ موجود ہن ۔
