اسلام آباد ۔ 20 جنوری (اے پی پی)پاکستان اتے امریکا افغانستان دے مسئلہ دے پر امن حل کیتے رل مل تے کوششاں جاری رکھنڑ تے اتفاق کیتے۔ اے اتفاق اسلام آباد اچ وزیراعظم عمران خان اتے امریکا دے سینئر ریپبلکن سینیٹر لنڈسے گراہم دی ملاقات اچ کیتا گئے۔سینیٹر گراہم ڈوطرفہ تعلقات اتے خطے دی سلامتی دی صورتحال دے جائزے سانگے پاکستان دے دورے تے ہن۔ سینیٹر گراہم افغانستان اچ سیاسی حل گولنڑ کیتے پاکستان دیاں کوششاں دی تعریف کیتی اتے پاکستان اچ معیشت دی بہتری، بدعنوانی دے خاتمے اتے پاکستانی عوام کیتے ملازمتاں دے مواقع ڈیونڑ بارے وزیراعظم عمران خان دی سوچ کون وی مثبت قرار ڈتے۔ایں موقع تے وزیراعظم عمران خان پاکستان ولوں اے عزم دوہرائے جو افغانستان مسئلے دا سیاسی حل گولنڑ کیتے امریکہ سودھے سارے فریقاں نال رل تے کم جاری رکھیسوں، علاقائی تعاون کیتے ہمسایہ ملکاں دے نال تعلقات کوں معمول تے گھن آونڑ دی لوڑھ اے تاں جو علاقائی امن و سلامتی اتے تعاون توں فیدہ چاتا ونج سگے۔وزیراعظم ملک اچ تجارت اتے سرمایہ کاری سانگے موقع، معاشی پالیسیاں،ہمہ جہت اصلاحات بارے ڈسیندے ہوئے امریکا نال تاریخی گانڈھا ودھاونڑ تے زور ڈتے۔
