اسلام آباد ۔ 7 جنوری (اے پی پی) وزیراعظم عمران خان پاکستان تحریک انصاف دے ارکان قومی اسمبلی کوںہدایت کیتی جو او عوام دے مسئلیاں دی نشاندہی اتے انہاں دے فوری حل کوں یقینی بنڑاونڑ سانگے اپنڑے حلقیاں اچ عوام نال رابطے اچ رہن۔انہاں اے گالھ سنوار کوں لاہور اتے ساہیوال ڈویژن نال تعلق رکھنڑ آلے پارٹی دے ارکان قومی اسمبلی دی ملاقات اچ گالھ مہاڑ کریندیں ہوئیں آکھی۔ملاقات اچ وفاقی وزیر برائے تعلیم و پیشہ وارانہ تربیت شفقت محمود، وزیراعظم دے معاون خصو صی برائے سیاسی امور نعیم الحق اتے پاکستان تحریک انصاف دے سیکرٹری جنرل ارشد دادوی موجود ہن ۔قومی اسمبلی دے ارکان ارکان وزیراعظم کوں اپنڑے حلقہ اچ عوام کوں بجلی،گیس،صحت عامہ اتے تعلیم دے مسئلیاں بارے ڈسایا،ارکان قومی اسمبلی دا وزیراعظم کوں خارجہ پالیسی دے افق تے ملنڑ آلی کامیابیاں اتے ملک دے معاشی استحکام تے اقتصادی ترقی سانگے مخلصانہ کوششاں تے خراج تحسین پیش کیتا ۔ملاقات اچ پارٹی معاملیاں تے گالھ مہاڑ کیتی گئی۔قومی اسمبلی دے ارکان اچ اعجاز احمد شاہ، راحت امان اللہ بھٹی، ملک کرامت علی کھوکھر، سردارطالب حسن نکئی، عالیہ حمزہ ملک، صوبیہ کمال خان، ڈاکٹر نوشین حامد، روبینہ جمیل، رخسانہ نوید، شونیلہ ر تھ اتے رائے محمد مرتضیٰ اقبال شامل ہن۔
