لاہور۔19 جنوری(اے پی پی )وفاقی وزیر ریلوے شیخ رشید احمد آکھیے جو ریلوےز نواں ٹریکنگ سسٹم متعارف کرا ڈتے،وزیر اعظم آندے ہفتے ریلوےز ٹریکنگ سسٹم دا افتتاح کریسن،پنجوی جنوری کوں ڈو نویاں فریٹ ٹریناں دا افتتاح تھیسی۔ اے گالھ انہاں ریلوے ہید کوارٹرزلاہور اچ ترقیاتی اقدامات بارے میڈیا بریفنگ اچ آکھی۔ انہاں دا آکھنڑ ہا جومحکمہ دے انتظامی ڈھانچہ دی تنظیم نو کریندے ہوئے پنج کمپنیاں کوں ڈو کمپنیاں اچ تبدیل کریسوں جیندے اچ ریل کاپ اتے ریڈیمکو شامل ہین۔ انہاں آکھیا جو آندے مہینے میں آپ ٹریناں اچ سفر کریساں اتے سٹیشناں تے سمساں تاں جو ریلوے دی کارکردگی چنگی تھیوے۔انہاں آکھیے جو پندرہاں فروری تئیں اسلام آباد اچ ریلوے شکایت سیل بنڑا دتا ویسی جیہڑی چوی گھنٹے کھلیا راہسی جتھاں متاثرین فون اتے ویب سائٹ تے شکایات درج کرواسگسن۔
