اسلام آباد ۔ 19 جنوری (اے پی پی)اقوام متحدہ دی جنرل اسمبلی دی صدر ماریہ فرنینڈا سپینوزاپاکستان کوں ہک سوہنڑا اتے ترقی دو ودھدا ملک قرار ڈیندے اطمینان کیتے جو پاکستانی حکومت عوام کیتے نویں مستقبل بنڑاونڑکیتے کوشاں اے،تریمیتں کوںباختیار بنڑاونڑاچ چنگائی تھئی اے،پاکستان بہوں سوھنڑاں ملک اے جیہڑا سدھے رستے تے ٹردا پئے،پاکستان دا دہشتگردی دے خلاف جنگ اتے علاقائی امن و سلامتی کیتے کردارمثالی اے، پاکستان افغان مصالحتی عمل اچ تعمیری کوششاں کریندا پئے۔ اے گالھ انہاں ریڈیو پاکستان کوں ہک انٹرویا اچ آکھی اے۔انہان پاکستان اچ تریمتیں دے حقوق اتے انہاں کوں بااختیار بنڑاونڑدیاں کوششاں دی تعریف کریندے آکھیا جو پاکستان اچ ایں ویلھے تریمتیں اعلیی عہدیاں تے ہین،اتے انہاں دی رائے عامہ اچ مضبوط آوازاے، جیندی مثال اقوام متحدہ اچ پاکستان دی سفیر ملیحہ لودھی ہین جیہڑیاں پاکستان اتے پائیدار ترقیاتی اہداف بارے پاکستان دے ایجنڈے دیاں مدلل وکیل ہین۔انہاں آکھیے جو پاکستان دہشتگردی دے خلاف جنگ اچ پائیدار کوششاں اتے کامیابیاں گھدن جیکوں عالمی برادری وی منیے۔انہاں علاقائی امن و سلامتی کیتے پاکستان دی تعریف کریندے آکھیا جو پاکستان افغان مصالحتی عمل اچ بہوں ودھ تعمیری کردار ادا کریندا پئے،پاکستان کئی ڈھاکیاں تئیں لکھاں افغان مہاجراں دی میزبانی کیتی اتے حالی وی کریندا پئے جڈاں پاکستان یو این امن مشنز دستیاں دا وی فعال حصہ ہوونڑ دے نال نال اقوام متحدہ اتے کثیرالجہتی سسٹم دا بہوں مضبوط اتے قابل اعتماد شراکت داراے۔ماریہ فرنینڈاآکھیا جو کشمیر سودھے بئے سارے جھیڑیاں دا پر امن حل ضروری ہے، کشمیر ہک پرانڑا مسلہ اے جیکوں تعمیری گالھ مہار نال حل کرنڑا چاہیدے۔
