اسلام آباد ۔ 23 جنوری (اے پی پی) وزیر خارجہ شاہ محمود قریشی آکھیے جو پاکستان نہتے کشمیریاں تے بھارتی ظلم دے خلاف ہر سطح تے آواز چیندا رہ ویسی۔نہتے کشمیریاں خصوصاً تریمتاں تے بالاں دیاں قربانیاں ضائع کائناں ونجنڑ ڈیسوں ۔کشمیر عوام نال اظہار یکجہتی سانگے، یوم یکجہتی کشمیر، بھرپور انداز اچ مناونڑ دا فیصلہ کیتے ۔اے گال انہاں کشمیری رہنماواں دے چار رکنی وفد نال گال مہاڑ کریندے ہوئیں آکھی جنہاں بدھ کوں وزارت خارجہ اچ انہاں نال ملاقات کیتی ۔ کشمیری رہنماواں مسئلہ کشمیر کوں اقوام متحدہ سمیت اہم بین الاقوامی فورمز تے چاونڑ تے اقوام عالم دی توجہ ایں اہم مسئلے دے پاسے کراونڑ تے وزیر خارجہ دا شکریہ ادا کیتا ۔شاہ محمود قریشی آکھیا جو مقبوضہ جموں وکشمیر دا مسئلہ دنیا دی نظر اچ نشابر تھیندا پئے ۔بھارت ولوں مسلسل طاقت دے استعمال نال مقبوضہ جموں و کشمیر دی صورتحال وگڑدی پئی اے ۔
