راولپنڈی ۔ 4 فروری (اے پی پی) پاک فوج دے سربراہ جنرل قمر جاوید باجوہ آکھیا جو آپریشن ردالفساد دے تحت آپریشنز جاری ہن ،ہنڑ لوڑھ ایں گالھ دی اے جو امن دی بہتر صورتحال دے ثمرات لوکاں تئیں پجاﺅ،ملک دشمن عناصر دی سازشاں ناکام بنڑاونڑ سانگے کوشش کریندے پیوں۔او سنوار کوں 218ویں کور کمانڈرز کانفرنس توں خطاب کریندے پے ہن ۔پاک فوج دے شعبہ تعلقات عامہ(آئی ایس پی آر) دے مطابق جنرل قمر جاوید باجوہ دی صدارت اچ218ویں کور کمانڈرز کانفرنس جنرل ہیڈ کوارٹر (جی ایچ کیو) اچ تھئی۔کور کمانڈر کانفرنس ملک دی اندرلی سکیورٹی اتے خطے اچ امن سانگے کیتے گئے اقدامات بشمول افغان مصالحتی عمل تے اطمینان کیتا۔اجلاس اچ لائن آف کنٹرول اتے ورکنگ باﺅنڈری دی صورتحال تے گالھ مہاڑ کیتی گئی جڈانجو بھارت ولوں جنگ بندی دی مسلسل خلاف ورزی اتے معصوم کشمیریاں تے کیتے ونجنڑ آلے ظلم تے وی گالھ مہاڑ تھئی۔اجلاس دے شرکاءیوم یکجہتی کشمیردے موقع تے کشمیری بھراواں نال یکجہتی دا اظہار کیتا۔ پاک فوج دے سربراہ جنرل قمر جاوید باجوہ نے کانفرنس نال خطاب کریندیں ہوئیں آکھیا جو اپنڑی سرحداں دے تحفظ سمیت مربوط قومی رد عمل تے توجہ ڈیندے پیوں۔
