اسلام آباد۔25فروری (اے پی پی)وزیراعظم عمران خان آکھیا جو اسلام دی ترویج اچ صوفیا کرام دے کردار اتے تصوف بارے نینگر نسل کوں روشناس کراونڑ دی لوڑھ اے،تصوف اتے سیرت سٹڈیز دے قیام بارے عملی خاکہ بنڑاونڑ سانگے خصوصی کمیٹی بنڑا ڈتی اے۔سنوار کوں وزیراعظم عمران خان دی صدارت اچ تصوف اتے اسلام دی ترویج بارے صوفیاءکرام دی خدمات کوں اجاگر کرنڑ اتے انہاں دی شخصیات تے تحقیق دے ودھارے بارے تعلیمی تے تحقیقی ادارے دے قیام بارے اعلیٰ سطح دا اجلاس تھیا۔اجلاس اچ وزیر برائے مذہبی امور نور الحق قادری، وزیر برائے نیشنل فوڈ اینڈ سیکورٹی صاحبزادہ محبوب سلطان، وزیر اوقاف پنجاب پیر سید سعید الحسن، وزیر برائے ہایئر ایجوکیشن پنجاب یاسر ہمایوں سرفراز، ایم این اے خواجہ شیراز محمود، چئیرمین ہایئرایجوکیشن طارق بنوری، چئیرمین مدینہ فاو ¿نڈیشن میاں محمد حنیف، پروفیسر ڈاکٹر نور احمد شاہ تاج، خواجہ قاسم سیالوی و متعلقہ محکمیاں دے افسر شریک تھیے۔اجلاس دے شرکاءنال گالھ مہاڑ کریندیں ہوئیں وزیراعظم آکھیا جو اسلام دی ترویج اچ صوفیا کرام دے کردار اتے تصوف بارے نینگر نسل کوں روشناس کراونڑ دی لوڑھ اے۔
