اسلام آباد ۔ 18 فروری (اے پی پی) سعودی ولی عہد شہزادہ محمد بن سلمان کوں پاک۔سعودیہ تعلقات دے استحکام اتے انہاں رابطے اچ نویں روح پاونڑ دے اعتراف اچ ملک دا اعلیٰ ترین سول اعزاز ”نشان پاکستان“ ڈتا گئے ۔ صدر مملکت ڈاکٹر عارف علوی سنوار کوں ایوان صدر اچ منعقدہ پروقار تقریب اچ انہاں کوں اے اعزاز عطا کیتا ۔ تقریب تقسیم اعزاز اچ وزیراعظم عمران خان وی شریک ہن ۔ایں موقع تے سعودی وفد دے اراکان ، چیئرمین سینٹ محمد صادق سنجرانی، سپیکر قومی اسمبلی اسد قیصر، وفاقی کابینہ دے اراکان ، سروسز چیفس اتے اعلیٰ عہدےداران وی موجود ہن ۔
