اسلام آباد ۔ 25 فروری (اے پی پی) قطر امیری نیول فورسزدے سربراہ اسٹاف میجر جنرل(سی) عبداللہ بن حسن ال سلیطی نیول ہیڈ کوارٹرز اسلام آباداچ پاک بحریہ دے سربراہ ایڈمرل ظفر محمود عباسی نال ملین۔نیول ہیڈ کوارٹرز آونڑ تے پاک بحریہ دے سربراہ قطر امیری نیول فورسزدا استقبال کیتے ۔ پاک بحریہ دے چاق و چوبند دستے مہمان کوں سلامی ڈتی۔مہمان داچیفس آف اسٹاف اتے نیول ہیڈ کوارٹرز اچ تعینات پرنسپل سٹاف آفیسرزنال تعارف کرایا گئے۔ملاقات اچ باہمی دلچسپی دے اُموربشمول ڈو طرفہ بحری اشتراک اتے خطے دی میری ٹائم سکیورٹی تے الوائے۔سربراہ پاک بحریہ کثیرالملکی میری ٹائم مشق”امن19“ اچ قطر امیری نیول فورسزدے آونڑ تے قطر امیری نیول فورسز دے سربراہ دا شکریہ اداکیتے۔دورہ نیول ہیڈ کوارٹرزاچ مہمان کوں ہک تفصیلی بریفنگ وی ڈتی گئی۔ قطر امیری نیول فورسز دے سربراہ دا اے دورہ ڈوہاں ملکاں اتے خاص کر بحری افواج وچال تعلقات بئے مضبوط کرنڑ دی وجہ بنڑسی۔
