اسلام آباد ۔ 10 فروری (اے پی پی) وفاقی وزیر اطلاعات تے نشریات فواد حسین چوہدری آکھیے جو وزیراعظم دبئی اچ تھیونڑ آلے سالانہ عالمی اجلاس ورلڈ گورنمنٹ سمٹ دے بعد آئی ایم ایف سربراہ نال ملاقات کریسن ۔ برطانوی خبررساں ایجنسی نال گالھ بات کریندے ہوئیں وفاقی وزیر آکھیے جو پاکستان متفقہ بیل آوٹ پیکیج دا خواہشمند ہے ،ایجھی شرطاں نی چاہندے جیندی وجہ نال پاکستان دے شرح نمو کوں نقصان پجے۔ آئی ایم ایف نال مسئلہ ڈیل دا نی ڈیل توں متعلق شرطاں دا ہے۔ انہاں آکھیے جو وزیراعظم دبئی اچ سالانہ عالمی اجلاس ورلڈ گورنمنٹ سمٹ دے بعد آئی ایم ایف سربراہ نال ملاقات کریس۔ جیندے اچ انہاں دا موقف سمجھنڑ دا موقع ملسی اتے اساکوں وی اپنڑاں موقف پیش کرنڑ دا موقع ملسی۔ فواد چوہدری آکھیے جو آئی ایم ایف نال مسئلہ ڈیل دا نی ڈیل توں متعلق شرطاں دا ہے۔ وزیر اطلاعات آکھیے جو ایجھی شفاف ڈیل چاہندوں جیرھی گھٹ مدت اچ پاکستان سانگے مددگار ثابت تھیوے اتے اساڈے لمبی مدت دے معاشی مقاصد تے اثرانداز نہ تھیوے ۔
