اسلام آباد ۔ 14 فروری (اے پی پی)وزیراعظم عمران خان دی صدارت اچ اعلیٰ سطحی دااجلاس تھیا جئیں اچ سعودی ولی عہد شہزادہ محمد بن سلمان دے دورہ بارے تیاریاں دا جائزہ گھد اگیا ۔ سعودی ولی عہد اعلیٰ اختیاراتی وفد دے رلے 16فروری توں پاکستان دا ڈو ڈینھ دا دورہ کریندے پئن۔وزیراعظم، سعودی ولی عہد محمد بن سلمان دے پاکستان پجنڑ تے فقید المثال استقبال، پاکستان اچ مصروفیات اتے معزز مزماناں سانگے کیتے ونجنڑ آلے بئے انتظامات دا خود جائزہ گھدا۔ایں موقع تے وزیراعظم آکھیا جو سرمایہ کاری اتے کاروبار دے ودھارے سانگے ہر سہولت ڈتی ویسی۔انہاں آکھیا جو سوکھا ویزہ اتے کاروبار سانگے ساری ضروری سہولتاں کوں یقینی بنڑیندے پیوں۔انہاں آکھیا جو پاکستان خطہ اچ امن سانگے اپنڑاں کردار نبھیندا رہسی۔انہاں آکھیا جو اے نواں پاکستان اے جئیں ڈے اج پوری دنیا ڈیکھدی پی اے۔اجلاس اچ وزیر خزانہ اسد عمر، وزیر اطلاعات تے نشریات چوہدری فواد حسین، وزیر پٹرولیم غلام سرور خان، مشیر تجارت عبدالرزاق داﺅد، وزیراعظم دے معاونین خصوصی یوسف بیگ مرزا، افتخار درانی، خارجہ سیکرٹری تہمینہ جنجوعہ، سیکرٹری اطلاعات، سیکرٹری خزانہ، سیکرٹری داخلہ، ڈی جی آئی ایس پی آر، چیئرمین سرمایہ کاری بورڈ اتے بئے سینئر حکام شریک تھیے۔
