اسلام آباد ۔ 13 فروری (اے پی پی)وفاقی وزیر صحت عامر محمود کیانی وزارت صحت دے افسران کوں ہدایت کیتی اے جو صحت دے شعبے کوں اگو تے گھن ونجنڑ کیتے وزیر اعظم دے وژن دے مطابق تیز ترین کم کیتا ونجے۔وزارت صحت دے مطابق وزارت صحت دے افسران دے اجلاس دی صدارت کریندے ہوئے انہاں آکھیا جو اساں ماضی دا کلچر بدلنڑے اتے اہداف پورے کرنڑ سانگے انتھک محنت کرنڑی اے۔ عامر محمود کیانی افسران کوں کیسز فوری نمٹاونڑ دی وی ہدایت کیتی جیندے کیتے ہک سافٹ ویئر منیجمنٹ سسٹم متعارف کراڈتا گئے جیہڑاروزانہ وزارت صحت دے مختلف دفاتر اتے محکمیاں دی کارکردگی دا جائزہ گھنسی ۔ وزیر صحت آکھیا جو صحت دا شعبہ انتہائی حساس اے جیندے اچ کہیں قسم دا تعطل اتے کوتاہی بہوں مہانگی ثابت تھی سگدی اے۔
