اسلام آباد ۔ 21 فروری (اے پی پی) وفاقی وزیر برائے منصوبہ بندی ترقی و اصلاحات اتے شماریات ڈویژن مخدوم خسرو بختیارآکھیے جو حکومت توانائی دے شعبہ دی منظم ترقی کیتے پرعزم اے، پائیدار ترقی کیتے مربوط انرجی پلاننگ تے کم تھیندا پئے۔ اے گالھ انہاں پائیدار ترقی کیتے مربوط انرجی پلاننگ دی ڈوجھی سٹیئرنگ کمیٹی دے اجلاس دی صدارت کریندے ہوئے آکھی۔اجلاس اچ سیکرٹری پلاننگ ظفر حسن، چیئرمین پرائم منسٹر ٹاسک فورس ندیم بابر، وزیراعظم دے معاون خصوصی برائے پاور شہزاد قاسم، یو ایس ایڈ پاکستان اتے یو ایس ڈیپارٹمنٹ آف انرجی دے نمائندے وی موجود ہن۔ پلاننگ کمیشن اتے یو ایس ایڈ پاکستان مربوط انرجی پلاننگ اچ تعاون کیتے مفاہمتی یادداشت تے دستخط کیتے گین۔معاہدے دے تحت ہک سٹیئرنگ کمیٹی تشکیل ڈتی گئی اے۔وفاقی وزیر آکھیا جو حکومت قابل تجدید توانائی پالیسی تے وی کم کریندی پئی اے،حکومت مستقبل دے قابل تجدید توانائی منصوبیاں کیتے ٹیرف دا تعین کرنڑ کیتے مسابقتی بولی دی حوصلہ افزائی کریسی جیندے نال فی میگاواٹ بجلی دی پیداواراچ کمی آسی۔ یو ایس ایڈ پاکستان دے مشن ڈائریکٹر جیری بسن آکھیا جو یو ایس ایڈ مربوط انرجی پلاننگ کیتے اپنڑا تعاون جاری رکھیسی۔
