اسلام آباد ۔ 21 فروری (اے پی پی) وفاقی وزیر ریلوےزشیخ رشید احمد آکھیے جو پاکستان اتے ایران وچال ریل نیٹ ورک دی بہتری تے شراکت داری ڈوہیں ملکاں دے سانجھے مفاد اچ اے ، کوئٹہ، تفتان تے زاہدان ریل ٹریک کوں بہتر بنڑاونڑ دیاں کوششاں تیز کیتیاں ویسن ، پاکستان ریلوے ایرانی ریلوے دی مہارت توں فائدہ چیسی ، تکنیکی ماہرین دیاں ٹیماں وختی تشکیل ڈتیاں ویسن۔اے گال انہاں خمیس کوں اتھاں ایرانی سفیر مہد ہنر دوست نال ملاقات کریندے ہوئیں آکھی۔ملاقات اچ ایرانی سیفر وزیر ریلوے کوں ایران حکومت ولوں قازوین۔ رشت ریلوے روٹ دی افتتاحی تقریب اچ شرکت دا دعوت نامہ پجایا جیں دے ایرانی صدر حسن روحانی مہمان خصوصی ہوسن ۔ تقریب اجوکے سال 6 مارچ کوں تھیسی ۔ دعوت نامہ ایران دے وزیر روڈ اینڈ اربن ڈویلپمنٹ محمد اسلامی ڈتی اے ، میزبان ایرانی صدر ہوسن ۔ ایں موقع تے گال مہاڑ کریندے ہوئیں شیخ رشید احمدآکھیا جو پاکستان اتے ایران وچال ریل نیٹ ورک دی بہتری تے شراکت داری ڈوہیں ملکاں دے سانجھے مفاد اچ اے ۔انہاں آکھیا جو ایران اتے پاکستان اسلام دے مضبوط رشتے اچ گھنڈیے پن تے ہمسائے ہن اتے ڈوہیں ملکاں دے مضبوط مذہبی، سماجی اتے ثقافتی تعلقات قائم ہن۔ ایں موقع تے ایرانی سفیر آکھیا جو پاکستان ایران دا برادر ملک اے تے اساڈے تعلقات بہوں پرانڑیں ہن ۔
