اسلام آباد ۔ 5 فروری (اے پی پی) وفاقی وزیراطلاعات و نشریات چوہدری فواد حسین اہل کشمیر دی خود ارادیت دے حق دے حصول دی عظیم جدوجہد تے لازوال قربانیاں کوں سلام پیش کریندے ہوئیں آکھیا جو ہزاراں شہادتاں ، سینکڑاں بے حرمتیاں، ، سنگین ظلم تے بے پناہ تکلیف دے باوجود کشمیریاں جھکنڑ توں انکار کیتے ، بھارتی ظلم انہاں دے حق خود ارادیت دی جدوجہد کوں کچا نئیں کر سگیا ۔وزیر اطلاعات و نشریات چوہدری فواد حسین یوم یکجہتی کشمیر تے اپنڑے پیغام اچ آکھیا جو شہد اکشمیرحریت پسندی، اصول اتے سچائی دے دمکتے ستارے ہن۔انہاں آکھیا جو کشمیر اچ بدترین انسانی حقوق دیاں خلاف ورزیاں دی سختی نال مذمت کریندوں ،اقوام متحدہ سمیت پوری دنیا کشمیر اچ وہندے خون دا نوٹس گھنے ۔انہاں آکھیا جنوبی ایشیا اچ دیر تئیں امن دے قیام کیتے مقبوضہ جموں تے کشمیر دے عوام دی خواہشات دے مطابق مسئلہ کشمیر دا حل ناگزیر اے۔
