اقوام متحدہ ۔ 25 مارچ (اے پی پی) اقوام متحدہ بنگلہ دیش اچ پناہ گزین روہنگیا مسلماناں کوں ہک پرے جزیرے تے منتقل کرنڑ دا منصوبہ تیار کیتا گے۔ڈوجھے پاسے انسانی حقوق کیتے کم کرنڑ آلیاں تنظیماں تے ماہرین ایں منصوبے تے تحفظات دا اظہار کریندے ہوئیں آکیے جو روہنگیا مسلماناں دی پرے ساحلی علاقے اچ موجود جزیرے تے منتقلی نال ہک نواں بحران پیدا تھی سگدے ۔اقوام متحدہ دے ایں خفیہ منصوبے دی تفصیلات برطانوی خبر رساں ادارے رائٹرز کوں ملنڑ آلی دستاویزات توں ملن۔مجوزہ طورتے بنگلہ دیش دے جیرھے جزیرے کوں روہنگیا پناہ گزیناں کیتے چنڑیان گئے توں مقامی سطح تے جزیرہ دے باسان چار دے ناں توں جانڑیا ویندے ۔اقوام متحدہ دے ادارہ خوراک دی ہک رپورٹ دے مطابق بنگلہ دیش دی حکومت پناہ گزیناں دی باسان چار جزیرے تے منتقلی کیتے ہک مفصل منصوبہ تیار کیتے جیں دے ٹائم فریم تے بجٹ دی تفصیل شامل ہن ۔ منصوبے تےعمل شروع تھیونڑ دے کجھ ہفتے دے اندراندر پناہ گزیناں کوں جزیرے تے منتقل کیتا ویسی ۔دستاویز اچ آکھیا گے جو جزیرہ باسان اچ منتقلی جبری کائناں بلکہ رضاکارانہ طور تے تھیسی ایندے کیتے بنیادی انسانی حقوق اتے اقدار دا خیال رکھیا ویسی ۔
