صدر مملکت ڈاکٹر عارف علوی دی یورپی یونین دی خارجہ امور تے سکیورٹی پالیسی دی نمائندہ نال گالھ مہاڑ

APP09-25 ISLAMABAD: March 25 - President Dr. Arif Alvi talking to European Union’s High Representative for Foreign Affairs and Security Policy, Ms. Federica Mogherini who called on him. Federal Minster for Foreign Affairs Makhdoom Shah Mahmood Qureshi is also present on the occasion. APP

اسلام آباد ۔ 25 مارچ (اے پی پی) صدر مملکت ڈاکٹر عارف علوی سنوار کوں یورپی یونین دی خارجہ امور تے سکیورٹی پالیسی دی نمائندہ فیڈریکا مغیرینی نال ملاقات دوران گالھ مہار کریندے ہوئیں آکھیے جو غیر ملکی سرمایہ کاراں کوں سہولتاں ڈیونڑ اتے حکومتی اقدامات پاروں کاروباری ماحول بہتر تھئے، یورپی یونین برادری اگوں ودھدے ہوئیں پاکستان اچ سرمایہ کاری کرے، حکومت سرمایہ کاراں دی مدد کریسی۔ صدر مملکت انسانی حقوق دی یورپی عدالت دے حالیہ فیصلے دی تعریف کیتی۔ انہاں آکھیا جو پاکستان رائے دے اظہار دی آزادی دے ذمہ دارانہ استعمال تے یقین رکھیندے۔ انہاں آکھیا جو پاکستان ہر قسم دی دہشت گردی دی مذمت کریندے ۔ انہاں آکھیا جو پاکستان دہشت گردی دے خلاف جنگ اچ وڈی کامیابی حاصل کیتی۔ انہاں آکھیا جو دہشت گردی نال نبڑن سانگے عملی اقدام ات دے نال نال عالمی اجتماعی ردعمل دی وی ضرورت ہے۔ صدر مملکت آکھیا جو پاک۔ای یو تعلقات اتے تعاون سارے شعبیں اچ چنگے پاسے ویندے پن ۔ صدر آکھیا جو 2014ءاچ جی ایس پلس سکیم دے بعد یورپی یونین سانگے پاکستانی برآمدات اچ 38 فیصد تئیں ودھارا تھئے جڈاں جو یورپی یونین دی پاکستان سانگے برآمدات 33 فیصد ودھیاں ہن ۔ انہاں آکھیا جو پاکستان جی ایس پی پلس سکیم کوں اپنڑیں معیشت دی چنگائی سانگے ہک بہتر رابطہ سمجھدے اتے یورپی یونین دی پاکستانی ترقی سانگے مدد کوں قدر دی نظر نال ڈیکھدے ۔ ڈاکٹر عارف علوی آکھیا جو پاکستان نیوکلیئر سپلائرز گروپ (این ایس جی) دی پیروی دااعلان کیتا ہوئے اتے گروپ اچ شریک تھیونڑ سانگے درخواست وی ڈتی ہوئی ہے۔ یورپی یونین دی اعلیٰ نمائندہ خارجہ تے سکیورٹی پالیسی آکھیاجو پاکستان اتے یورپی یونین وچال اقتصادی اتے تجارتی تعلقات دی ودھ ساری صلاحیت موجود ہے جیندے توں فائدے گھنڑ دی ضرورت ہے۔

متعلقہ مضامینمصنف کی طرف سے مزید