اسلام آباد ۔ 13 مارچ (اے پی پی) وزیر خارجہ شاہ محمود قریشی آکھیے جو معاشی ایجنڈے کو ں توڑ پچاونڑ کیتے خطے اچ امن دی لوڑھ اے،خطے اچ امن و استحکام یقینی بنڑاونڑ کیتے مستقلاً افغان امن عمل کیتے سہولت دا کردار ادا کریندے پئے ہیں،حکومت مشرقی سرحدتے شروع توں ہی امن اتے مذاکرات دی گالھ کریندی پئی اے۔ اے گال وزیر خارجہ شاہ محمود قریشی ”لیڈرز ان اسلام آباد بزنس سمٹ“نال خطاب کریندے آکھی۔انہاں آکھیا جومیں25 ممالک دے 60 وفود کوں کانفرنس اچ آونڑ تے خوش آمدید آہداں، حکومت دے تبدیلی دے ایجنڈے کوں تور پچاونڑ کیتے یورپین یونین، یورپین پارلیمنٹ دے تعاون دے شکر گزارہیں،26 مارچ کوں موگیرینی پاکستان آندی پئی اے،ایںموقع تے یورپین یونین اتے پاکستان وچال اسٹریٹجک شراکت داری تے مفاہمت دی یادداشتاں تے دستخط تھیسن۔انہاں آکھیے جو اقتصادی بحالی ترجیح اے تاں جو عوام کوں ملک اچ اقتصادی ترقی دے چنگے موقع ملین اتے ملک وی مالی بحران توں نکلے،ادارے خرابی توں باہرو آون۔انہاں آکھیے جو اساں پچھلے چھی مہینے توں کئی چینلجاں نال کٹھے نبڑدے پئے ہیں،اقتصادی بحالی کیتے وزارت خارجہ اچ پوری توجہ معاشی سفارت کاری تے اے، اپنڑے معاشی ایجنڈے کوں توڑ پچاونڑ کیتے خطے اچ امن دی لوڑھ اے ، ایں سانگے افغانستان اچ امن نال ہی خطے دی تعمیر و ترقی ممکن تھی سگدی اے۔انہاںا ٓکھیے جو کرتار راہداری،خصوصی اقتصادی زونز کیتے منصوبہ بندی،پاکستان اچ سرمایہ کاری ودھاونڑ دے اقدامات اتے سعودی عرب نال 20 ارب دے معاہدے وی اقتصادی بحالی کیتے اقدامات دا حصہ ہین۔
