پاکستان دی سر زمین کہیں دے خلاف استعمال کائنا تھیونڑ ڈیسوں اتے نہ کہیں کوں اپنڑے معاملیاں اچ مداخلت دی موکل ڈیسوں،ساری کالعدم تنظمیاں دے خلاف بلاامتیاز کاروائیاں تھیندیاں پن اتے نویں پاکستان اچ قانون تے عمل کیتا ویسی، مفتی عبدالرﺅف اتے حماد اظہر سمیت کالعدم تنظیماں دے 44انڈر آبزرویشن کارکناں کوں تفتیش سانگے حفاظتی تحویل اچ گھدا گئے ،وزیرمملکت برائے داخلہ شہریار خان آفریدی دی سیکرٹری داخلہ دے رلے پریس کانفرنس
اسلام آباد ۔ 5 مارچ (اے پی پی) وزیرمملکت برائے داخلہ شہریار خان آفریدی آکھیا جو مفتی عبدالرﺅف اتے حماد اظہر سمیت کالعدم تنظیماں دے 44انڈر آبزرویشن کارکناں کوں تفتیش سانگے حفاظتی تحویل اچ گھدا گئے ۔منگل کوں سیکرٹری داخلہ میجر ریٹائرڈ اعظم سلیمان خان دے رلے پریس کانفرنس کریندیں ہوئیں انہاں آکھیا جو نیشنل ایکشن پلان دے تحت اے اقدام کیتا گئے ۔سارے بندیاں توں تفتیش کیتی ویندی پی اے۔انہاں آکھیا جو نیشنل ایکشن پلان دے تحت کاروائی جاری ہن اتے ہر پندرہ ڈینھ بعد پیشرفت دا جائزہ گھدا ویسی۔انہاں آکھیا جو پاکستان دی سر زمین کہیں دے خلاف استعمال کائنا تھیونڑ ڈیسوں اتے نہ کہیں کوں اپنڑے معاملیاں اچ مداخلت دی موکل ڈیسوں،ساری کالعدم تنظمیاں دے خلاف بلاامتیاز کاروائیاں تھیندیاں پن اتے نویں پاکستان اچ قانون تے عمل کیتا ویسی۔
