اے فیصلہ کرائسٹ چرچ دیاں مسیتاں اچ دہشتگردی حملے اچ شہید تھیونڑآلیاں دی یاداتے اظہار یکجہتی کیتے کیتا گئے،جمعے کوں سرکاری ٹی وی، ریڈیو تے اذان نشر کیتی ویسی،نیوزی لینڈ دی وزیراعظم جیسنڈراآرڈن دی پریس کانفرنس
اسلام آباد ۔ 20 مارچ (اے پی پی)نیوزی لینڈ دی وزیراعظم جمعے کوں سرکاری ذرائع ابلاغ تے اذان نشرکرنڑ دا اعلان کریندے ہوئے آکھیے جو اے فیصلہ کرائسٹ چرچ دیاں مسیتاں اچ دہشتگردی حملے اچ شہید تھیونڑآلیاں دی یاداتے اظہار یکجہتی کیتے کیتا گئے،جمعے کوں سرکاری ٹی وی، ریڈیو تے اذان نشر کیتی ویسی۔نیوزی لینڈ دی وزیراعظم جیسنڈراآرڈن اپنڑی پریس کانفرنس اچ آکھیا جو شہیداں دی یاد اچ 2 منٹ دی خاموشی وی کیتی ویسی ۔ انہاں آکھیاجو او مسلمان برادری دے رہنماواں نال ملین جیں غمزدہ لوکاں کیتے انہاں دیاں کوششاں دی تعریف کیتی اے۔انہاں آکھیا جو مسلمان رہنماواں انہاں کوں نیوزی لینڈ ولوں ملنڑ آلی حمایت بارے ڈسائے جو بین الاقوامی سطح تے تھیونڑ آلی بیان بازی جیندے اچ داعش ولوں ایں دہشت گردی دا بدلہ گھنڑ دی دھمکی کوں روکنڑ کیتے بہوں اے۔نیوزی لینڈ دی وزیراعظم آکھیا جو اجوکے حالات پاروں انہاںاپنا اجوکا دورہ آسٹریلیا ملتوی کر ڈتے اتے او اے دورہ کجھ مہینے بعد کریسن۔ انہاں امریکی صدر ڈونلڈ ٹرمپ دے مسلماناں بار بیان تے آکھیا جو میڈی توجہ حالی اپنڑے ملک تے ہے، عالمی رہنماواں دی مرضی اے جواوکیا کرنڑ چاہندن۔
