اسلام آباد ۔ 21 مارچ (اے پی پی) وزیراعظم عمران خان نال ہاورڈ کینیڈی سکول دے طالب علماں دے گروپ خمیس کوں اتھاں وزیراعظم ہاﺅس اچ ملاقات کیتی۔ وزیراعظم طالب علماں نال پاکستان اچ موجود مواقع اتے حکومت کوں درپیش چیلنجاں تے گالھ مہاڑ کیتی ۔ عمران خان حکومت دے اقتصادی وژن اتے حکومتی اصلاحاتی ایجنڈے تے عمل درآمد سانگے کیتی گئی کوششاں بارے ڈسایا۔ ملاقات اچ قومی تے بین الاقوامی امور خاص کر پاک بھارت صورتحال اتے خطے اچ امن سانگے پاکستان دی کوششاں اتے علاقائی صورتحال تے گالھ مہاڑ تھئی ۔ طلباءوزیراعظم دے وژن اتے انہاں دے قائدانہ کردار دی تعریف کیتی۔
