اسلام آباد ۔ 13 مارچ (اے پی پی) وزیر دفاع پرویز خٹک نال آذربائیجان دے سفیر علی علیزادہ دی ملاقات تھئی جئیں اچ آپسی دلچسپی دے معاملے،ڈو پاسہ تعاون کوں ودھاونڑ سمیت بئے معاملیاںتے گالھ مہاڑ کیتی گئی ۔وزیر دفاع پرویز خٹک آکھیا جو پاکستان آذربائیجان کوں تعزویزاتی مقام ،وسائل ،ترقی پسند نکتہ نظر اتے تکھے ودھدی ہوئی معیشت بارے اہم ملک سجھدے۔انہاں آکھیا جو پاکستان نگورنوکاراباخ دے معاملے تے آذربائیجان دی پوری حمایت کریسی۔۔ آذربائیجان دے سفیر ’ نگورنو کاراباخ دے معاملے تے پاکستان دے مسلسل تعاون دی تعریف کیتی۔انہاں ڈسیا جو آذربائیجان دے وزیر دفاع کرنل جنرل ذاکر حسنوف21مارچ توں پاکستان دا دورہ کریندے پن اتے او 23مارچ کوں یوم پاکستان پریڈ اچ وی شریک تھیسن اتے انہاں دے نال آذربائیجان دے دستے وی مسلح فوج دی پریڈ اچ شریک تھیسن۔
