اسلام آباد۔13فروری(اے پی پی)پاکستان اتے ترکمانستان تاپی گیس پائپ لائن معاہدے تے دستخط کرڈتن،معاہدہ تے دستخط سیکریٹری پٹرولیم اسد حیا الدین اتے ایمینوفود سی ای او تاپی پائپ لائن کارپوریشن لمیٹڈ کیتے، وزیر پٹرولیم غلام سرور خان آکھیے جو حکومت معاہدہ تیزی نال مکمل کرنڑ چاہندی اے، امکان اے جو ایں سال پاکستان اچ تاپی دا تعمیراتی کم شروع تھی ویسی۔معاہدے ویلھے وفاقی وزیر پٹرولیم غلام سرور خان اتے ترکمانستان دے وزیرخارجہ راشد میریدوف وی موجودہن۔ترکمانستان دے وزیر خارجہ امید کیتی جو تاپی پائپ لائن ویلھے تے مکمل کیتی ویسی،ترکمان حکومت ترکمانستان اتے پاکستان وچال براستہ افغانستان ٹرانسپورٹ اتے توانائی راہداری بنڑاونڑ چاہندی اے، ایں رستے توں آپٹک فائبر نیٹ ورک وی وچھایا ویسی جیہڑا چین تئیں ویسی۔انہاں پاکستان کوں برادر ملک قرارڈیندے آکھیا جو پاکستان، ترکمانستان کیتے بین الاقوامی منظرنامے اچ بہوں وڈی اہمیت رکھدے۔ تاپی گیس پائپ لائن دا آغاز ترکمانستان دے گل کنیش گیس فیلڈ توں تھیندے جیندے کیتے ایشیائی ترقیاتی بینک سہولت کار اے اتے ایں منصوبے دے تحت 3.2 ارب مکعب فٹ گیس ترکمانستان توں افغانستان اتے پاکستان، بھارت دی سرحد تئیں پچائی ویسی،جیندا کل فاصلہ ہک ہزار 680 کلومیٹر اے۔اے منصوبہ ڈو مرحلیاں اچ مکمل تھیسی۔پہلا مرحلہ فری فلو فیزدی لاگت 5توں 6 ارب ڈالراے جڈاں جو ڈوجھے مرحلے اچ کمپریسر اسٹیشن لائے ویسن جیندی لاگت 1.9توں 2 ارب ڈالر ہوسی۔
