اسلام آباد ۔ 09 مارچ (اے پی پی) وفاقی وزیر اطلاعات و نشریات و قومی ورثہ چوہدری فواد حسین آکھیے جو پاکستان خطے اچ امن و استحکام کیتے بہوں کامیاب کوششاں کیتن،وزیراعظم عمران خان امن چاہندن اتے انہاں بھارت کوں پیش کش کیتی اے جو او مسلیاں دے حل کیتے اگو آون جیکر بھارت ہک قدم چیسی تاں اساں اوندوڈو بلانگاں بھریسوں بھل بھارتی وزیر اعظم نریندر مودی انتخابات اچ کامیابی کیتے جنگ کھنڈاونڑ چاہندے،بھارتی فضائیہ دی ناکامی نال بھارتی وزیراعظم مودی دا بیانیہ وی بہوں متاثر تھئے،اقوام متحدہ دے انسانی حقوق کمیشن دی رپورٹ مقبوضہ کشمیر اچ بھارتی مظالم دا پول کھول ڈتے۔اے گالھ انہاں روعسی میڈیا کوں ڈتے گئے ہک انٹرویواچ آکھی۔انہاں آکھیاپاکستان جنگ نئیں چاہندا بھل بھارت کوں اینجھی حرکت کیتی تاں اوکوں سبق مل ویسی جو پاکستان نال کھڑاونڑ دا کیا انجام ہوسی۔بھارت ولوں پاکستان اچ دہشتگرداں دا کیمپ تباہ کرنڑ بارے وزیر اطلاعات آکھیے جو اینجھے دعوے دا سچ کوڑ غیر جانبدارحلقے ہی نتار سگدن،جیکر اینجھی کوئی گالھ ہوندی تاں ہنڑ تئیں سامنڑے آچکی ہوندی، ایندے کیتے تہاکوں برطانوی نشریاتی ادارے ”رائٹرز“دی خبر،بئے بین الاقوامی میڈیا دی رپورٹس اتے خودمختار خبررساں ایجنسیاں دی رپورٹس ڈیکھ سگدے او۔انہان آکھیے جو بھارتی طیارے دے ڈھانڑ، پائلٹ دی گرفتاری اتے ہک توں بعد بئے کوڑ دے ثابت تھیونڑ نال مودی دی حیثیت کھل گئی اے اتے او پورے جگ اچ منہ پاونڑ جوگے نئیں رہے۔ انہاں آکھیا جو اینجھی کوئی شہادت نئیں ملی جو دہشت گرد حملیان اچ پاکستان دی سرزمین استعمال تھئی ہووے، بھارت تاںا یویں ہمیشہ پاکستان تے کوڑے الزام لاونڑ دا عادی اے جیہڑے ہمیشہ کوڑ ہی ثابت تھین۔ انہاںا ٓکھیے جو مقبوضہ کشمیر اچ بھارتی مظالم نال ہی کشمیری عوام اچ بھارت دے خلاف اتنی ودھ نفرت تھئی اے ،پاکستان ولوں ٹھوس شہادتاں دی شرط تے کارروائی دی پیشکش دا بھارت کوئی جواب نئیں ڈتا، وزیر اعظم مذاکرات دی وی گالھ کیتی اے بھل بھل مودی امن نئیں جنگ چاہندے تاں جو او پاکستان کارڈ کوں اپنڑے انتخابات دے فیدے کیتے کمیں لاءسگے،جڈاں ہک سیاستدان اپنڑے مفاد کیتے کروڑان لوکاں دی جند داءتے لا ڈیوے تاں اے بہوں وڈی بدقسمتی دی گالھ اے۔وفاقی وزیر آکھیے جو بھارت پاکستان اچ دہشتگردی کوں اسپانسر اتے سپورٹ کریندا پئے، کلبھوشن یادیودی گرفتاری توں گھن تے لطیف محسوددی گرفتاری تئیں ساڈے کولوپاکستان اچ دہشت گردی دی بھارتی معاونت دے کئی ٹھوس شواہد موجودہین،ایں صورتحال اچ مذاکرات ہی ہکو آپشن اے جو اساں مل بہہ تے کٹھے دہشت گردی دے خلاف شراکت داری کروں، درحقیقت کشمیر ہی ہک حقیقی مسئلہ ہے جیندے تے پاک بھارت مذاکرات ضروری ہین۔
