اسلام آباد ۔ 30 اپریل (اے پی پی) وزارت اوورسیز دے ماتحت ادارے او پی ایف وزیراعظم دے بچت و سادگی مشن دے تحت 12 اضافی گاڈیاں نیلام کرڈتن۔ معاون خصوصی سید ذولفقار بخاری محکمے دے مینیجنگ ڈائریکٹر عامر شیخ دیاں کاوشاں دی تعریف کیتی اے ۔ نیلامی نال او پی ایف کو 71 لکھ روپے ملین جڈاں جو اوپی ایف نیلامی دے عبد فیول دی مد اچ سالانہ 18.5لکھ روپے دی بچت تھیسی ۔ گاڈیاں دی مرمت دی مد اچ 13.5 لکھ دی سالانہ بچت تھیسی۔ وزیراعظم دے معاون خصوصی زلفی بخاری آکھیے جو نیلامی توں ملنڑ آلی رقم اوورسیز پاکستانیاں دی فلاح و بہبود کیتے خرچ تھیسی ۔وزیراعظم دے وژن دے مطابق اداریں اچ سادگی کوں ودھارا ڈیندے پیوں ۔انہاں آکھیا جو اداریں اچ شفافیت اساڈا عزم اے ، بچت اتے سادگی ایں وقت ملک کیتے بہوں ضروری اے ، بچت کوں قومی فریضے دے طور تے ڈیکھنڑاں چاہیدے ۔
