اسلام آباد ۔ 18 اپریل (اے پی پی) صدر مملکت ڈاکٹر عارف علوی خمیس کوںاین ڈی یو دے زیر اہتمام بین الاقوامی سی پیک ورکشاپ دے وفد نال ایوان صدر اچ ملاقات کیتی۔ایں موقع تے انہاں دا آکھنڑ ہا جو جو پاک چین اقتصادی راہداری پاکستان کوں عالمی تجارت تے سرمایہ کاری سانگے اہم مقام بنڑا ڈتے، حکومت سماجی تے اقتصادی ترقی کوں وڈی اہمیت ڈیندی ہے۔ صدر آکھیاجوخصوصی اقتصادی زونز بنڑاونڑ سی پیک دے ڈوجھا مرحلے یعنی صنعتی تعاون دا اہم جز ہے ،جیندے کیتے سرکاری تے نجی پارٹنر شپ اچ ودھارا کیتا ونجنڑ چاہیدے۔انہاں آکھیا جو 10سالاں اچ 10 لکھ نوکریاں پیدا تھیسن۔ اساڈی افرادی قوت کوں ایں سانگے تیار رہونڑ دی ضرورت ہے۔ خطے اچ سی پیک اتے بیلٹ روڈ نال فائدے تھیسن۔ صدر سی پیک ورکشاپ دے انعقاد تے این ڈی یو دی تعریف کریندے ہوئیں مستقبل اچ ایندی کوششاں سانگے اپنڑیں حمایت دا یقین ڈیوایا۔
