کوئٹہ ۔ 16 اپریل (اے پی پی) صدر مملکت ڈاکٹر عارف علوی منگل کوں اتھاں ہزارہ ٹاﺅن امام بارگاہ اچ سانحہ ہزارہ گنجی دے شہیداں دے خاندان نال تعزیت اتے فاتحہ خوانی کیتی۔ صدر شہیداں دے اچے درجے تے زخمیاں دی وختی چنگی صحت کیتے دعا منگی ۔ایں موقع تے صدر مملکت آکھیا جو شہریاں دی حفاظت ریاست دی ذمے واری اے ۔ انسانی جاناں دا کوئی نعم البدل کائنی۔ انہاں شہیداں دے لواحقین نال ہمدردی دااظہار کریندے ہوئیں آکھیا جو نیشنل ایکشن پلان تے مکمل عمل درآمد بہوں ضروری اے ۔انہاں آکھیا ہک ڈوجھے دی حفاظت اساں ساریں دی سانجھی ذمے واری اے ۔ صدر آکھیا جو پاکستان دے خلاف ایں طرح دیاں سازشاں تھیندیاں رہندن،انہاں سازشاں دے باوجود عوام اچ کوئی تفریق کائنی ۔ انہاں آکھیا جو ہزارہ برادری ولوں اتحادتے یکجہتی دا مظاہرہ کیتا گے ۔پوری قوم ڈکھ دے ایں ویلھے اچ انہاں دے نال اے ۔صدر ڈاکٹر عارف علوی آکھیا جو شہیداں تے انہاں دا خاندان دا پاکستان تے بہوں وڈا احسان اے،قوم ایں احسان کوں کڈاہیں کائناں بھلیسی۔
