اسلام آباد ۔ 19 اپریل (اے پی پی) وزیراعظم عمران خان نال پاکستان کرکٹ ٹیم اتے ٹیم انتظامیہ جمعے کوں اتھاں ملاقات کیتی اے ۔ وزیراعظم آفس ولوں جاری بیان اچ آکھیا گے جو قومی ٹیم دے کھلاڑیاں تے ٹیم انتظامیہ وزیراعظم عمران خان دے نال ملاقات کیتی تے انہاں دے رلے گروپ فوٹو وی بنڑوایا ۔ یاد رہے جو چیف سلیکٹر انضمام الحق گذریل ڈینھ دورہ انگلینڈ اتے ورلڈ کپ کیتے 15 رکنی قومی کرکٹ ٹیم دا اعلان کیتا ہئی ۔ اعلان کیت گئی ٹیما چ کپتان سرفراز احمد، عابد علی، بابر اعظم، فہیم اشرف، فخر زمان، حارث سہیل، حسن علی، عماد وسیم، امام الحق، جنید خان، محمد حفیظ، محمد حسنین، شاداب خان، شاہین شاہ آفریدی اتے شعیب ملک شامل ہن جڈاں جو انگلینڈ دے خلاف ٹی ٹونٹی اتے ون ڈے سیریز کیتے دو اضافی کھلاڑی محمد عامر تے آصف علی وی ٹیم دے رلے ہوسن ۔
